मराठवाडा संघटक पदी पठाण अमरजान यांची निवड

By MahaTimes ऑनलाइन – बीड |

राष्ट्रीय पुरोगामी पत्रकार संघाच्या महाराष्ट्र राज्य मराठवाडा विभागीय संघटक पदी पत्रकार पठाण अमजान यांची निवड करण्यात आली आहे.

येथील शासकीय विश्रामगृह येथे 30 जानेवारी रोजी राष्ट्रीय पुरोगामी पत्रकार संघाचे राज्यस्तरीय कार्यकारणी निवड व बैठक संघटनेचे राष्ट्रीय अध्यक्ष विजय सूर्यवंशी,प्रदेशाध्यक्ष विजय कुमार वाव्हळ,राष्ट्रीय महासचिव विनोद पवार,प्रदेश उपाध्यक्ष दशरथ रोडे,राज्य संघटक भागवत वैद्य यांच्या प्रमुख उपस्थितीत संपन्न झाली.

या निवड बैठकीत राज्य कार्यकारणी सह राज्यातील विविध विभागीय,जिल्हा स्तरावरील पदांवर सदस्यांची निवड करण्यात आली. निवड बैठकीत साप्ताहिक माझी नगरीचे संपादक पठाण अमरजान यांची राष्ट्रीय पुरोगामी पत्रकार संघाच्या महाराष्ट्र राज्य, मराठवाडा विभागीय संघटक पदी सर्वानुमते फेर निवड करण्यात आली.

यावेळी जिल्हाध्यक्ष रामनाथ कांबळे, जिल्हा उपाध्यक्ष ब्रह्मनाथ कांबळे, इरफान शेख, राजकुमार दिवार, पृथ्वीराज निर्मळ, संतराम जोगदंड, श्रीमती मनीषा घुले, शेख तालीब आदिनी पठाण अमरजान यांनाशुभेच्छा दिल्या.